კანონპროექტის თანახმად, 2022 წლის 1 იანვრამდე გახანგრძლივდება ვადა, რომელიც კოოპერატივების წესდების კანონთან შესაბამისობაში მოყვანისთვის არის დაწესებული.

ნინო წილოსანის განცხადებით, კანონპროექტის პირველი მოსმენით განხილვისას, პლენარულ სხდომაზე დეპუტატების მხრიდან არაერთი კითხვა დაისვა და მოსაზრებები გამოითქვა, რაც კიდევ ერთხელ მოწმობს, თუ რამდენად მნიშვნელოვანია კოოპერატივების საკითხი.

კომიტეტის წევრებმა მეორე მოსმენით კანონპროექტის პლენარულ სხდომაზე გატანას მხარი დაუჭირეს.