საპროცედურო საკითხთა და წესების კომიტეტის თავმჯდომარე დავით მათიკაშვილი იორდანიის პარლამენტის საქართველოს პარლამენტთან მეგობრობის ჯგუფის ხელმძღვანელს ჰუსეინ ამუშს შეხვდა.

შეხვედრაზე საპარლამენტო დიპლომატიისა და ორ ქვეყანას შორის თანამშრომლობის გაღრმავების საკითხები განიხილეს.

„შეხვედრაზე იორდანიაში ქართული დელეგაციის ბოლოდროინდელ ვიზიტზე ვისაუბრეთ, რომელიც აპრილში გაიმართა. განვიხილეთ მდინარე იორდანეზე ქართული კულტურის ცენტრის მშენებლობის საკითხი. ასევე იორდანიის პარლამენტის საქართველოს პარლამენტთან მეგობრობის ჯგუფის ხელმძღვანელისგან მოვისმინეთ ინფორმაცია საქართველოში იორდანელი სტუდენტების საკითხთან და საჭიროებებთან დაკავშირებით“, - განაცხადა დავით მათიკაშვილმა.