საპარლამენტო პოლიტიკური ჯგუფის „ხალხის ძალის“ თავმჯდომარემ დიმიტრი ხუნდაძემ უმაღლესი სასწავლებლების სტუდენტებთან თემაზე - „დემოგრაფია და გლობალური პოლიტიკა“ შეხვედრა გამართა.

ახალგაზრდებთან შეხვედრაზე საუბარი შეეხო საქართველოს დემოგრაფიული პოლიტიკის, როგორც სახელმწიფო უსაფრთხოების ერთ-ერთ მთავარ განმსაზღვრელ ფაქტორს.

დიმიტრი ხუნდაძემ ყურადღება გაამახვილა საქართველოს დემოგრაფიული უსაფრთხოების კონცეფციაზე. აღინიშნა, რომ მაღალი შობადობა, ახალგაზრდა მოსახლეობა და მიგრაციის მართვა განსაზღვრავს სახელმწიფოების წარმატებას გლობალურ კონკურენციაში.

პარლამენტის წევრმა დეტალურად მიმოიხილა შობადობისა და მოკვდაობის, რეპროდუქციული ჯანმრთელობის, მიგრაციის, დაბერებისა და საქართველოს მოსახლეობის რეგიონული დემოგრაფიული მაჩვენებლები.

საუბარი ასევე შეეხო სხვადასხვა ქვეყნების დემოგრაფიულ მდგომარეობას, მათ მიდგომებსა და გამოცდილებას.

ღონისძიებას სხვადასხვა უნივერსიტეტის სტუდენტები ესწრებოდნენ.