პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის პირველი მოადგილე გიორგი ჩაკვეტაძე „ევროპული ახალგაზრდული ბარათის“ პრეზენტაციას დაესწრო.

„ევროპული ახალგაზრდული ბარათის“ პრეზენტაცია დედაქალაქის მერმა კახა კალაძემ გამართა.

როგორ ღონისძიებაზე აღინიშნა, თბილისის მერიის ინიციატივით, 18-დან 30 წლამდე ახალგაზრდები „ევროპული ახალგაზრდული ბარათით“ ისარგებლებენ.

პროგრამა ევროპის 40 ქვეყანაში 25 000-ზე მეტ ფასდაკლებას გულისხმობს და 9.3 მილიონ ახალგაზრდას აერთიანებს.

პროგრამის მიზანია ახალგაზრდების ხელმისაწვდომობის ზრდა განთავსების, განათლების, სპორტის, კულტურის, გართობის სერვისებზე. ფასდაკლებები ეხება მოგზაურობისა და ტრანსპორტირებისთვის საჭირო მომსახურებებს (flixbus, flixtrein, Iberia airways, Airalo), კვების ობიექტებს, მუსიკალურ ფესტივალებს, წიგნებისა და სხვადასხვა ნაწარმის მაღაზიებს, სასტუმროებს, გასართობ პარკებს.

„ევროპული ახალგაზრდული ბარათის“ პრეზენტაციას პარლამენტის წევრები: ზურაბ რურუა, გენო პეტრიაშვილი და ვლადიმერ ბოჟაძე, ასევე თბილისის მერიისა და აღმასრულებელი ხელისუფლების წარმომადგენლები ესწრებოდნენ.