ირაკლი შატაკიშვილი რუსთავის N5 საჯარო სკოლის მოსწავლეებსა და პედაგოგებს შეხვდა
რუსთავისა და გარდაბნის ათი თემის დელეგატი, პარლამენტის საგარეო ურთიერთობათა კომიტეტის თავმჯდომარის პირველი მოადგილე ირაკლი შატაკიშვილი რუსთავის N5 საჯარო სკოლის მოსწავლეებსა და პედაგოგებს შეხვდა.
შეხვედრაზე ირაკლი შატაკიშვილმა სტუმრებს პარლამენტისა და საპარლამენტო კომიტეტების საქმიანობის ძირითადი მიმართულებები გააცნო.
მოსწავლეებმა განათლების, მეცნიერებისა და ახალგაზრდულ საქმეთა კომიტეტის იმიტირებულ სხდომაში მიიღეს მონაწილეობა, სადაც საგანმანათლებლო სფეროს აქტუალურ თემებზე იმსჯელეს და საკუთარი ინიციატივები წარადგინეს.
„საპარლამენტო ცხოვრების მიმართ სკოლის მოსწავლეების ინტერესი ძალიან დიდია. ვიმედოვნებ, რომ მომავალში ახალგაზრდები საპარლამენტო საქმიანობის ხარისხს სრულიად სხვა სიმაღლეზე აიყვანენ“, - განაცხადა ირაკლი შატაკიშვილმა.
შეხვედრის ფარგლებში, მოსწავლეებმა და პედაგოგებმა ექვთიმე თაყაიშვილის სახელობის ქართული პარლამენტარიზმის მუზეუმი და პარლამენტის სასახლე დაათვალიერეს.
