საქართველოს მთავრობის 2024 წლის 24 დეკემბრის №441 დადგენილების თანახმად, 2025 წლის 3 იანვარი, 6 იანვარი და 8–10 იანვარი განისაზღვრა უქმე დღეებად.

აქედან გამომდინარე, საზოგადოებას ვაცნობებთ, რომ საქართველოს პარლამენტის თავმჯდომარის 2024 წლის 20 დეკემბრის №1/216/24 ბრძანებით განსაზღვრულ საქართველოს ცენტრალური საარჩევნო კომისიის წევრობის 4 კანდიდატის შესარჩევ ღია კონკურსში მონაწილეობის შესახებ განაცხადი და სხვა სათანადო საკონკურსო დოკუმენტების წარდგენის ვადაა არაუგვიანეს 2025 წლის 13 იანვრისა.

შესაბამისი დოკუმენტაცია საქართველოს ცენტრალური საარჩევნო კომისიის წევრობის კანდიდატების შესარჩევი საკონკურსო კომისიის სახელზე წარმოდგენილი უნდა იქნეს წერილობით შემდეგ მისამართზე: ქალაქი თბილისი, შოთა რუსთაველის გამზირი №8 ან გადმოგზავნილი უნდა იქნეს ელექტრონული ფოსტით შემდეგ მისამართზე: contact@parliament.ge.