საქართველოს პარლამენტის კორეის რესპუბლიკის პარლამენტთან მეგობრობის ჯგუფის ხელმძღვანელი, პარლამენტის წევრი შოთა ხაბარელი კორეის რესპუბლიკის საქმეთა დროებით რწმუნებულს კიმ ტონგ ოპს შეხვდა.

შეხვედრაზე მხარეებმა კორეის რესპუბლიკის ეკონომიკური ჯგუფის საქართველოში ვიზიტის დეტალები განიხილეს.

აღინიშნა, რომ 5-7 ოქტომბერს კორეის ეკონომიკური გუნდის წარმომადგენლობითი დელეგაცია საქართველოს პრემიერ-მინისტრთან, ვიცე-პრემიერთან და საგარეო საქმეთა მინისტრთან შეხვედრებს გამართავს.

შეხვედრაზე ხაზი გაესვა, რომ აღნიშნული ვიზიტი ორი ქვეყნის ეკონომიკური თანამშრომლობის გაღრმავებას კიდევ უფრო მეტად შეუწყობს ხელს და კორეელ ინვესტორებს საქართველოს ეკონომიკური პოტენციალის გაცნობის საშუალებას მისცემს.