საქართველო-კორეის საპარლამენტო მეგობრობის ჯგუფის ხელმძღვანელი შოთა ხაბარელი საქართველოში კორეის რესპუბლიკის ვაჭრობისა და ინვესტიციების ხელშეწყობის სააგენტოს (KOTRA) ოფისის გახსნას დაესწრო. 

როგორც ღონისძიებაზე აღინიშნა, თბილისში KOTRA-ს ოფისის გახსნა ხელს შეუწყობს ორ ქვეყანას შორის ეკონომიკური კავშირების გამყარებას.

ღონისძიებას ესწრებოდნენ საკანონმდებლო და აღმასრულებელი ხელისუფლების წარმომადგენლები, კორეის რესპუბლიკის ელჩი საქართველოში ჰიონდუ კიმი და KOTRA-ს პრეზიდენტი კანგ გიონ სონი.