საქართველოს პარლამენტის აპარატის მენეჯერებისთვის ჩატარდა ტრენინგი თემაზე "სტრუქტურული ერთეულისა და ინდივიდუალური ამოცანების დასახვა და განაწილება. გუნდის განვითარება." ტრენინგს უძღვებოდა ზურაბ მხეიძე, ფსიქოლოგი, სასწავლო ცენტრის შიდა ტრენერი.  

ტრენინგი მიზნად ისახავდა თანამშრომლების უნარების გაუმჯობესებას ამოცანების განაწილებასა და გუნდის განვითარებაში.

ტრენინგი მოიცავდა შემდეგ საკითხებს:

• სტრუქტურული ერთეულის ამოცანების განსაზღვრა ორგანიზაციის მიზნებიდან გამომდინარე
• ინდივიდუალური ამოცანების დასახვა და სამართლიანი განაწილება
• ეფექტიანი მართვის სტრატეგიები და მონიტორინგი
• გუნდის შექმნის პრინციპები და გუნდური სულისკვეთების წახალისება
• თანამშრომლების ურთიერთობის გაუმჯობესება და ახალი წევრების ინტეგრაცია

აღნიშნული ტრენინგი მონაწილეებს მისცემს შესაძლებლობას, გაიუმჯობესონ  მართვისა და გუნდური უნარები, რაც ხელს შეუწყობს უფრო ეფექტური და თანამშრომლობაზე დამყარებული სამუშაო გარემოს შექმნას.