პარლამენტის თავდაცვისა და უშიშროების კომიტეტის თავმჯდომარემ ალექსანდრე ტაბატაძემ ესპანეთის სამეფოში, საქართველოს საელჩოს ორგანიზებით გამართულ საქართველოს დამოუკიდებლობის დღისადმი მიძღვნილ ღონისძიებაში მიიღო მონაწილეობა.

ღონისძიების ფარგლებში დაჯილდოების ცერემონია გაიმართა, სადაც ესპანეთის სამეფოს შინაგან საქმეთა სამინისტროს წარმომადგენლებს წარმატებული თანამშრომლობისთვის მადლობის სიგელები გადაეცათ.

ალექსანდრე ტაბატაძემ წარმატებული საპოლიციო თანამშრომლობისთვის, საქართველოს შინაგან საქმეთა მინისტრის მადლობის სიგელით, ესპანეთის შინაგან საქმეთა სამინისტროს სამოქალაქო გვარდიის კრიმინალური პოლიციის უფროსი, ბრიგადის გენერალი ალფონსო ლოპეს მალო დააჯილდოვა.