სპორტისა და ახალგაზრდულ საქმეთა კომიტეტმა კომიტეტის თავმჯდომარის მოადგილედ დავით კაჭარავას კანდიდატურას დაუჭირა მხარი.

კომიტეტს დავით კაჭარავას კანდიდატურა საქართველოს პარლამენტის რეგლამენტის 31-ე მუხლის მე-2 პუნქტის შესაბამისად, საპარლამენტო უმრავლესობაში შემავალი უფრაქციო პარლამენტის წევრების მიერ წარედგინა.

კომიტეტის წევრებმა კომიტეტის თავმჯდომარის მოადგილედ დავით კაჭარავას არჩევის საკითხს ერთხმად დაუჭირეს მხარი.