დღეს, კომიტეტის წევრებმა ორ კანდიდატს - ქეთევან მესხიშვილს და რევაზ ნადარაიას მოუსმინეს.

ქეთევან მესხიშვილს მოსამართლედ მუშაობის 10 წლიანი, ხოლო რევაზ ნადარაიას - 11 წლიანი გამოცდილება აქვს.

უზენაესი სასამართლოს მოსამართლეობის კანდიდატებმა ფრაქცია „ქართული ოცნების“, პოლიტიკური ჯგუფების „მოქალაქეების“ და „ევროპელი სოციალისტების“, პარლამენტის უფრაქციო წევრების, ასევე, არასაპარლამენტო სუბიექტების - ადვოკატთა ასოციაციის, იურიდიული სამსახურის, არასამთავრობო ორგანიზაციების - ახალგაზრდა იურისტთა ასოციაციის და „დემოკრატიის ინდექსის“ წარმომადგენლების შეკითხვებს უპასუხეს.

უზენაესი სასამართლოს მოსამართლეობის ცხრა კანდიდატთან გასაუბრების პროცესი 6 ივლისს დაიწყო და სამი დღის განმავლობაში კომიტეტი 6 კანდიდატს გაესაუბრა.

ხვალ, 9 ივლისს, კომიტეტი უზენაესი სასამართლოს მოსამართლეობის კიდევ 2 კანდიდატს - ბიძინა სტურუას და ლაშა ქოჩიაშვილს მოუსმენს.

პროცესს მონიტორინგს უწევს ეუთოს დემოკრატიული ინსტიტუტებისა და ადამიანის უფლებების ოფისის (OSCE/ODIHR) წარმომადგენლობა.