პარლამენტის აპარატის საზოგადოებასთან ურთიერთობისა და ინფორმაციის დეპარტამენტის უფროსად ნინო შავგულიძე დაინიშნა.

ნინო შავგულიძე დღემდე იკავებდა პარლამენტის თავმჯდომარის კაბინეტის უფროსის მოადგილის თანამდებობას, მანამდე იყო პარლამენტის თავმჯდომარის მრჩეველი. აქვს საჯარო სამსახურში მუშაობის 12-წლიანი გამოცდილება, სხვადასხვა წლებში მუშაობდა ცენტრალურ საარჩევნო კომისიასა და დედაქალაქის საკრებულოში. არის აღმოსავლეთ ევროპის უნივერსიტეტის მოწვეული ლექტორი.