საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე, ქუთაისის მაჟორიტარი დეპუტატი ზაზა ლომინაძე და სპორტისა და ახალგაზრდულ საქმეთა კომიტეტის თავმჯდომარე ირაკლი მეძმარიაშვილი ქუთაისში, თვითმმართველობის მიერ შემუშავებული სპორტის კონცეფციის პრეზენტაციას დაესწრნენ.

პარლამენტის წევრებმა, სპორტის სფეროს წარმომადგენლებთან ერთად, მონაწილეობა მიიღეს 2024-2030 წლებისთვის სპორტის პოლიტიკის დოკუმენტისა და 2024-2025 წლების სამოქმედო გეგმის განხილვაში, რომელზეც ქუთაისის მერიამ, საქართველოს პარლამენტის სპორტისა და ახალგაზრდულ საქმეთა კომიტეტთან ერთად, დაასრულა მუშაობა.

სპორტის კონცეფცია კომიტეტმა საქართველოს პარლამენტში უკვე წარადგინა.

პროექტი ქუთაისის მუნიციპალიტეტის მერიის ინიციატივით, გაეროს განვითარების პროგრამის (UNDP) და შვედეთის მთავრობის მხარდაჭერით, საქართველოს პარლამენტის სპორტისა და ახალგაზრდულ საქმეთა კომიტეტის ხელშეწყობით განხორციელდა.

პარლამენტის წევრებთან და სპორტის სფეროს წარმომადგენლებთან ერთად, დოკუმენტის განხილვაში მონაწილეობა ქუთაისის მერმა, იოსებ ხახალეიშვილმა მიიღო.