პარლამენტის კულტურის კომიტეტის თავმჯდომარე გიორგი გაბუნია გურული სიმღერების შემსრულებლისა და ლოტბარის, ტრისტან სიხარულიძის ცხოვრებისა და შემოქმედებისადმი მიძღვნილი წიგნის პრეზენტაციას დაესწრო და ღონისძიების მონაწილეებს სიტყვით მიმართა.

 

გიორგი გაბუნიამ წიგნის უნიკალურობაზე ისაუბრა და აღნიშნა, რომ გამოცემა „ტრისტან სიხარულიძე - გურული სიმღერის დიდოსტატი“ გამორჩეული ქართველი მოღვაწის, ანზორ ერქომაიშვილის წიგნს - „გური და ტრისტან სიხარულიძეები“ (2017 წელი) ეფუძნება. გამოცემას თან ერთვის ტრისტან სიხარულიძის მიერ შესრულებული, ახლად ჩაწერილი აუდიონიმუშები.

 

გიორგი გაბუნიამ მადლობა გადაუხადა საქველმოქმედო ფონდ „ქართულ გალობას“, რომელმაც პროექტი გალობის უნივერსიტეტთან თანამშრომლობით განახორციელა. 

 

ღონისძიებას საქართველოს პარლამენტის წევრები და კულტურის მინისტრი თინათინ რუხაძე ესწრებოდნენ.