2024 წლის 4 ივნისს, სასწავლო ცენტრმა გამართა ტრენინგი პარლამენტის აპარატის თანამშრომლებისთვის თემაზე: "ინფორმაციის მოპოვება, შეგროვება და ანალიზი ხელოვნური ინტელექტის დახმარებით". ტრენინგს უძღვებოდა ეკა აბაშიშვილი, PhD, სასწავლო ცენტრის წამყვანი სპეციალისტი და შიდა ტრენერი.

ტრენინგის ფარგლებში მონაწილეებმა განიხილეს:

• ხელოვნური ინტელექტის ზოგადი შესაძლებლობები.
• ხელოვნური ინტელექტის სამი ცნობილი პლატფორმა: ChatGPT, Copilot და Gemini.
• ChatGPT-ის გამოყენება ოფიციალური მეილების, კვლევების და სხვა ტექსტების შექმნისთვის.
• Copilot და Gemini-ის გამოყენება ინფორმაციის მოპოვებისა და ანალიზის მიმართულებებისთვის.

ტრენინგი მიზნად ისახავდა მონაწილეებისთვის პრაქტიკული ცოდნისა და უნარების გადაცემას, რომლებიც დაეხმარებათ ინფორმაციის ეფექტურად მართვაში და ანალიზში, თანამედროვე ხელოვნური ინტელექტის ინსტრუმენტების გამოყენებით.