საერთაშორისო მნიშვნელობის საავტომობილო გზების გზისპირა ზონის არეალი 100 მეტრიდან 200 მეტრამდე იზრდება. აღნიშნულიდან გამომდინარე ცვლილებები შედის „საავტომობილო გზების შესახებ“ საქართველოს კანონში.

ეკონომიკური პოლიტიკის კომიტეტის თავმჯდომარის, შოთა ბერეკაშვილის განცხადებით, იმ ტერიტორიაზე, რომელიც აღნიშნულ ზონაში მოექცევა, ნებისმიერი სახის საქმიანობა მხოლოდ გზის მფლობელთან წინასწარი შეთანხმების საფუძველზე იქნება შესაძლებელი.

კანონპროექტი პარლამენტმა დაჩქარებული წესით განიხილა და მესამე მოსმენით, 90 ხმით, მიიღო.