პარლამენტის წევრები საქართველოს ტექნიკური უნივერსიტეტის 104-ე წლისთავისადმი მიძღვნილ ღონისძიებას დაესწრნენ.

ღონისძიების მონაწილეებს სიტყვით განათლების, მეცნიერებისა და ახალგაზრდობის მინისტრმა გივი მიქანაძემ, საქართველოს ტექნიკური უნივერსიტეტის რექტორმა, აკადემიკოსმა დავით გურგენიძემ და საქართველოს მეცნიერებათა ეროვნული აკადემიის პრეზიდენტმა, აკადემიკოსმა როინ მეტრეველმა მიმართეს.

ღონისძიების ფარგლებში გამორჩეული ქართველი მეცნიერის გიორგი ნიკოლაძის ძეგლი და ტექნიკური უნივერსიტეტის განახლებული პარკი გაიხსნა. მოწვეულმა სტუმრებმა ასევე დაათვალიერეს ჟიული შარტავას სახელობის ტექნიკისა და ტექნოლოგიების სასწავლო-კვლევით ლაბორატორიულ კომპლექსში ახალგახსნილი სტროუ ლაბორატორია და უნივერსიტეტის სამეცნიერო-კვლევით ინფრასტრუქტურასა და თანამედროვე ტექნოლოგიურ შესაძლებლობებს გაეცნენ.

ტექნიკური უნივერსიტეტის 104-ე წლისთავისადმი მიძღვნილ ღონისძიებას პარლამენტის წევრები: გიორგი ჩაკვეტაძე, გიორგი სოსიაშვილი, ვლადიმერ კახაძე, ეკა სეფაშვილი, ლიკა შარტავა, ზურაბ ქადაგიძე, გივი ჭიჭინაძე, დავით დოლიძე, ასევე სხვადასხვა უნივერსიტეტის რექტორები და აკადემიური სფეროს წარმომადგენლები ესწრებოდნენ.