რეგიონული პოლიტიკისა და თვითმმართველობის კომიტეტის სხდომაზე „ადგილობრივი მოსაკრებლის შესახებ“ საქართველოს კანონში ცვლილების შეტანის თაობაზე“ კანონპროექტი განიხილეს.

​კანონპროექტის თანახმად, სამშენებლო სამართალდამრღვევის მიერ აღიარების შემთხვევაში, უნებართვოდ ან სამშენებლო დოკუმენტაციის მოთხოვნების დარღვევით განხორციელებული მშენებლობის თაობაზე აქტის გამოცემის დაჩქარებული მომსახურების მოსაკრებელი იზრდება.

კანონპროექტი რეგიონული პოლიტიკისა და თვითმმართველობის კომიტეტის სხდომაზე საპროცედურო საკითხთა კომიტეტის თავმჯდომარის პირველმა მოადგილემ აკაკი ალადაშვილმა წარადგინა.

​მომხსენებლის განცხადებით, დაჩქარებული მომსახურების მოსაკრებელი არაუმეტეს 40000 ლარით განისაზღვრა, მისი გადახდის წესსა და ოდენობას კი მუნიციპალიტეტის წარმომადგენლობითი ორგანო განსაზღვრავს.

​„ადგილობრივი მოსაკრებლის შესახებ“ საქართველოს კანონში ცვლილების შეტანის თაობაზე“ კანონპროექტს კომიტეტმა მხარი დაუჭირა.