გიორგი კახიანი პარლამენტის აპარატის სტაჟიორებს შეხვდა
საპროცედურო საკითხთა და წესების კომიტეტის თავმჯდომარე, გიორგი კახიანი დღეს პარლამენტის აპარატის სტაჟიორებს შეხვდა.
გიორგი კახიანმა ის სიახლეები გააცნო ახალგაზრდებს, რაც საპარლამენტო ცხოვრებაში კონსტიტუციის ახალმა რედაქციამ და ახალმა რეგლამენტმა შემოიტანა. მან განსაკუთრებული ყურადღება გაამახვილა პარლამენტის საზედამხედველო ფუნქციაზე. კომიტეტის თავმჯდომარემ ისაუბრა პარლამენტში, პარლამენტის თავმჯდომარის და პრემიერ-მინისტრის ყოველწლიური ანგარიშების წარდგენის პროცედურაზე, მინისტრის საათის პროცედურაზე და პარლამენტში საგამოძიებო კომისიის შექმნის ახალ წესზე. გიორგი კახიანმა სტაჟიორებს პარლამენტში მიმდინარე საკანონმდებლო პროცესზე და საკომიტეტო და სასესიო საქმიანობაზე დეტალური ინფორმაცია მიაწოდა.
ამის შემდეგ კომიტეტის თავმჯდომარემ დეტალურად ისაუბრა საპროცედურო საკითხთა და წესების კომიტეტის საქმიანობაზე.
გიორგი კახიანმა უპასუხა ახალგაზრდების შეკითხვებს.
