მერაბ ქვარაიამ არასამთავრობო სექტორის წარმომადგენლებთან შეხვედრა გამართა
საქართველოს პარლამენტის რეგიონული პოლიტიკისა და თვითმმართველობის კომიტეტის თავმჯდომარის მოადგილემ მერაბ ქვარაიამ არასამთავრობო სექტორის წარმომადგენლებთან საქართველოში სოციალური მეწარმეობის განვითარების საკითხებთან დაკავშირებით შეხვედრა გამართა.
ღონისძიება ევროკავშირის წარმომადგენლობის დაფინანსებითა და საქართველოს სტრატეგიული კვლევების და განვითარების ცენტრის, გერმანული საერთაშორისო ორგანიზაცია არბაითერ-სამარიტერ-ბუნდისა და განათლების განვითარების და დასაქმების ცენტრის უშუალო ორგანიზებით განხორციელდა.
პროექტის მიზანია სოციალური მეწარმეობის პოპულარიზაცია ქვეყანაში, რაც ახალი სოციალური საწარმოების ინიცირებას და უკვე არსებულების გაძლიერებას, საერთაშორისო გამოცდილების გაზირებას, სახელმწიფო სტრუქტურებთან ერთად მხარდამჭერი მექანიზმების შემუშავებასა და თემის საკანონმდებლო რეგულირებას მოიცავს.
შეხვედრაზე აღინიშნა, რომ სოციალური მეწარმეობის სამართლებრივი რეგულირების მიზნით შექმნილი საინიციატივო ჯგუფი, სახელმწიფოსთვის საზოგადოებრივი საკითხების მოგვარების დამატებით ინსტრუმენტს გააჩენს.
საქართველოში სოციალური მეწარმეობის თემაზე მუშაობა 2008-2009 წლებიდან დაიწყო და ამ მიმართულებით არასამთავრობო ორგანიზაციებმა განსაკუთრებულად აქტიური როლი შეასრულეს რამაც ერთი მხრივ სფეროს მხარდამჭერთა, ხოლო მეორე მხრივ სოციალური მეწარმეობით დაინტერესებული ადამიანთა რიცხვი გაზარდა.
შეხვედრაზე განსაკუთრებულად აღინიშნა, რომ სოციალური მეწარმეობის მხარდაჭერის მიზნით, საქართველოში ევროკავშირის წარმომადგენლობის, აშშ განვითარების სააგენტოს, შევედეთის განვითარების სააგენტოს და სხვა საერთაშორისო ორგანიზაციების მიერ გაცემული გრანტების დახმარებით, საქართველოში დღეს, ათეულობით სოციალური საწარმო წარმატებით ფუნქციონირებს და ბაზარზე კონკურენტუნარიანობას ინარჩუნებს.
მხარეებმა სახელმწიფოს მიერ სოციალური საწარმოების მხარდაჭერის მნიშვნელობაზე გაამახვილეს ყურადღება, რადგან, როგორც აღინიშნა, სოციალური საწარმოების აბსულუტური უმეტესობა შშმ პირთა ინკლუზიის საკითხებზე მუშაობს, რაც მათ დასაქმებას, რეაბილიტაციას, სოციალური სერვისების მიწოდებასა და საზოგადოებაში ინტეგრაციას მოიცავს.
მხარეებმა სოციალური საწარმოების სამართლებრივი რეგულირების საჭიროებაზეც ისაუბრეს და აღნიშნეს, რომ საინიციატივო ჯგუფისთვის მისასალმებელია აქტიური და მჭიდრო თანამშრომლობა როგორც საკანონმდებლო, ასევე აღამასრულებელ ორგანოებთან.
