დღეს ზუგდიდის მუნიციპალიტეტის მაჟორიტარმა დეპუტატმა, ედიშერ თოლორაიამ მუნიციპალიტეტის ტერიტორიაზე არსებული 51 საჯარო, 6 კერძო, აფხაზეთის 5 საჯარო სკოლის დირექტორებსა და ზუგდიდის საგანმანათლებლო რესურსცენტრის თანამშრომლებს სახის დამცავი ნიღბები გადასცა.

სოციალურ გვერდზე ზუგდიდის საგანმანათლებლო რესურსცენტრი აქვეყნებს მადლობის წერილს.

„სასიამოვნო განცდაა, როცა მზრუნველობას იჩენენ და ეფიქრებათ შენზე. მადლობა ასეთი მზრუნველობისთვის ამ ძნელბედობის ჟამს! თქვენ გვაგრძნობინეთ, რომ ჩვენი ჯანმრთელობა მნიშვნელოვანია თქვენთვის, რამაც დიდი სტიმული მოგვცა. თუმცა, იმასაც აღვნიშნავთ, რომ ეს არ არის უჩვეულო საქციელი თქვენგან, რადგან ხშირად გვანებივრებთ თქვენი ყურადღებით.

კიდევ ერთხელ დიდი მადლობა!

ჯანმრთელობას, ბედნიერებას, წარმატებებს გისურვებთ ბატონო ედიშერ თქვენ და თქვენ ოჯახს!
აღდგომას გილოცავთ!“, - აღნიშნულია წერილში.